PATAY ang isang tricycle driver makaraang pagbabarilin ng naka-bonnet na riding in-tandem sa Quezon City, kaninang tanghali, Enero 20, 2014.
Kinilala ang biktima na si Gordon Sacasas, 34, ng 7 Sampaguita St., Brgy. Batasan, QC.
Tumakas naman ang mga suspek matapos ang pamamaril at iniwan ang duguang biktima.
Sa inisyal na imbestigasyon ng Quezon City Police District, naganap ang insidente sa may IBP Road, corner Kagandahan St., alas-12:20 ng tanghali.
Sa ulat, magpapa-vulcanize sana ng gulong ng kanyang tricycle ang biktima malapit sa nasabing lugar nang sumulpot ang mga suspek at pagbabarilin ito.
Dead-on-the-spot sa lugar ang biktima dahil sa mga tama ng bala sa ulo at katawan.
Patuloy ang imbestigasyon ng awtoridad sa nasabing insidente.
The post Trike driver patay sa pamamaril sa Quezon City appeared first on Remate.