KAHIT miyembro ng Fourth Estate si GMA television news reporter Tina Panganiban Perez ay napabilang siya sa mga naging biktima ng salisi gang at pandurukot sa Cebu Sto. Nino procession.
Ayon sa report ng Cebu City PNP, sa kasagsagan ng solemn procession ay napansin na lamang na hindi mapakali ang biktima.
Nang tanungin kung ano ang nangyari, inihayag ni Perez na nahiwa na pala ang kanyang bag at natangay ang kanyang pitaka.
Hindi naman sinabi ni Perez kung magkano ang halaga ng pera ang natangay sa kanya ng mga kawatan.
Sa report na ipinalabas ng Cebu City PNP, marami na ang nag- report sa kanilang himpilan na naging biktima ng pandurukot at salisi gang.
Ayon kay PO2 Jelo Destacamento, humigit sa sampu na ang nailathalang nagreklamo at nagpa-blotter sa kanilang presinto.
Sa imbestigasyon, lumabas na maayos ang kasuotan ng mga mandurukot at hindi mapagkamalang mga katawan.
The post Reporter, nadukutan sa Cebu Sto Niño procession appeared first on Remate.