PATAY ang driver ng motorsiklo at kanyang angkas, habang nasa kritikal na kondisyon ang isa pa matapos makuryente sa naputol na kable ng kuryente ng Davao Oriental Electric Cooperative dahil sa sobrang lakas ng hangin.
Kinilala ang mga namatay na sina Tiuyan Bolenio Sr., driver, at pasahero na si Enriquita Vidal.
Sa ngayon ay nasa kritikal na kondisyon ang isa pang biktima na si Kent Henry Vidal dahil sa pagkakasunog ng ilang bahagi ng katawan.
Sinasabing patungo ng Brgy. Langka sakop ng Mati, Davao Oriental ang mga biktima pero pagdating sa Brgy. Luban sa nasabing lugar ay naputol ang kable ng kuryente at napunta sa manibela ng motorsiklo.
Dito na nakuryente ang mga biktima hanggang sa masunog ang mga katawan.
Dead-on the spot sina Tiuyan at Enriquita.
Naisugod naman sa ospital si Kent Henry matapos masunog ang kanyang katawan.
Sa kasalukuyan ay patuloy na inoobserbahan ng mga doktor ang kalagayan nito na nanatiling kritikal.
The post 2 dedo sa naputol na kable ng kuryente sa Davao appeared first on Remate.