ANG Kongreso ang makapagsususpinde sa Value Added Tax (VAT) sa kuryente.
Kasunod nito, hinamon ng Bureau of Internal Revenue (BIR) ang Kongreso na magpasa ng panukalang batas para maisakatuparan ang isinusulong na pagsuspinde ng Value Added Tax (VAT) sa singil sa kuryente.
Ayon kay BIR Commission Kim Henares, hindi pwedeng executive order lamang ang kailangan para suspendihin ang VAT sa kuryente sa halip ay kailangang amyendahan ang umiiral na batas.
Kahit pa suspension lamang ang mungkahi, hindi ito maaaring gawin ng BIR dahil nakasaad sa batas ang pangongolekta ng VAT sa kuryente.
Aminado ang BIR na malaking kawalan sa pamahalaan ang VAT sa kuryente sakaling masuspinde ito dahil nasa P30 billion ang kinikita nito bawat taon.
Nabatid na maraming mga senador ang nagsusulong ng suspension ng VAT sa kuryente sa harap ng mataas na singil nito dahil sa mga nagkaaberyang power plants.
The post Kongreso ang magsususpinde ng VAT sa kuryente appeared first on Remate.