NAGTAYO ng dalawa pang tanggapan ang Social Security System (SSS), sa bahagi ng Metro Manila, gayundin, isa pa sa Southern Mindanao bago matapos ang 2013. Dahil sa ganitong hakbang, lalong pinalakas ng SSS ang kanilang paglapit sa mga kaanib at maging ang kanilang kapasidad na makapaglingkod sa papalaking bilang ng mga indibidwal na nangangailangan ng social security protection.
Ang mga bagong sangay ay nasa Guadalupe, Makati City: Congressional Avenue, Quezon City at Panabo, Davao del Norte na magbubukas para sa kanyang mga kaanib sa mga unang araw ng buwang ito.
Ayon sa state owned pension fund para sa mga pribadong empleyado, ang kanilang desisyon na magbukas ng opisina sa nasabing mga lugar ay tumutugma sa pagsisikap ng ahensya na mapalawak ang SSS coverage at upang mapaunlad ang service delivery.
Ang SSS Guadalupe Branch ay matatagpuan sa 3rd floor ng Guadalupe Commercial Center, isang shopping complex na konektado sa concourse ng MRT- Guadalupe station. Ito ang
pang-apat na sangay ng SSS sa Makati City, ang iba ay makikita rin at matatagpuan sa Ayala Avenue, JP Rizal Street at Gil Puyat Avenue. Ang mga ito ay mabebenepisyuhan ng mga kaanib sa Makati-District 2 na kinapapalooban ng mga barangay ng Guadalupe Nuevo, Cembo, South Cembo, Comembo, West Rembo, East Rembo, at Pembo.
Ang mga kaanib sa bahagi ng Quezon City at kalapit na mga lugar ay maaaring bumisita sa new SSS Congressional branch sa may 2nd floor ng Northridge Plaza, 12 Congressional Avenue sa Barangay Bahay Toro, Quezon City. Ito’y sakop ng mga lugar ng Baesa-Part, Bagbag, Bagong Pag-Asa, Bahay Toro, Project 6, Project 7, Project 8, Sauyo, Vasra, Veterans Village at iba pang bahagi ng Culiat, Sangandaan at Tandang Sora.
The post SSS, NAGBUKAS NG TATLO PANG SANGAY appeared first on Remate.