UMAKYAT na sa 71 ang namatay mula sa 1,571 na nagkatigdas sa buong bansa, habang 16 dito ay mula sa anim na distrito lamang ng Maynila, ayon sa tala ng Department of Health-National Capital Region (DOH-NCR) mula Nobyembre 2013 hanggang sa kasalukuyan.
Ang tatlong namatay sa tigdas ay galing sa Malabon, Muntinlupa, Las Piñas at Caloocan City, habang ang iba pa ay mula sa anim na distrito ng Maynila.
Sa tala ng Manila-Health office, sa distrito 1 ay dalawa ang namatay sa tigdas, sa distrito II ay 2, apat naman sa distrito III, isa sa distrito IV at tatlo sa distrito V at apat sa distrito VI.
Nangunguna naman ang mga lugar na tinamaan ng mga pasyente ng tigdas ang Muntinlupa at Las Piñas na may 61 kaso, sumunod ang Caloocan City, 38 at Parañaque City, 31.
Sa San Lazaro Hospital ay nasa 93 na kaso ng tigdas ang naitala sa kaparehong panahon at may isang namatay mula sa Caloocan City.
Wala namang naitalang kaso ng naturang sakit sa Pateros at Valenzuela City.
The post UPDATE: 16 na ang patay sa tigdas sa MM, 71 sa buong bansa appeared first on Remate.