INIIMBESTIGAHAN na ng pulisya kung may kinalaman sa away-gang ang pagkamatay ng 15-anyos na estudyante na binaril habang nakikipag-usap sa kanyang mga kaibigan, kaninang madaling-araw sa Parola Compound, Tondo, Maynila.
Isinugod pa sa Gat Andres Bonifacio Hospital ang biktimang si Shown Michael Basas, high school student ng Raja Soliman Science High School at residente ng 1325 Gate 7 Area A, Tondo, Maynila.
Alas-4:10 ng madaling-araw nang maganap ang insidente sa Gate 5 Area A, ng nasabing lugar.
Sa imbestigasyon, nakikipag-usap ang biktima sa mga kaibigan niyang sina Melvin Francisco at Raffy Lubaton sa isang nakaparadang motorsiklo sa may gate 5 nang sumulpot ang suspek na nakamotorsiklo at nagpaputok sa grupo ng biktima.
Minalas namang tamaan ang biktima sa ulo na nagresulta ng kanyang kamatayan.
The post 15-anyos, patay sa gang war sa Tondo appeared first on Remate.