HALOS hindi na makilala ang isang mag-asawa at kanilang apo matapos makuryente habang sakay ng motorsiklo sa Bolinao, Pangasinan.
Kinilala ang mga biktima na sina Elmer Odero, 55, dating barangay kagawad, misis na si Jing Odero, 54, barangay health worker at apo na si Melyjim Munar, 3, pawang ng Brgy. Ilog, Malino, nabanggit na bayan.
Nabatid na habang sakay ng motorsiklo ang tatlo ay nasagi ni Mr. Odero ang nakalaylay na live wire sa kalsada dahilan upang makuryente sila.
Dahil sa lakas ng boltahe na dumaloy sa kanilang katawan ay hindi na nakaligtas ang mga biktima at hindi na rin magawang makababa sa motorsiklo.
Inaalam naman ng awtoridad kung sino ang may pagkukulang sa nabanggit na insidente.
The post Mag-asawa, apo tusta sa kuryente sa Pangasinan appeared first on Remate.