BAWAL mamasko ang mga building official sa Quezon City.
Ito ang sinabi ni Engr. Gani Versoza, building official ng Quezon City na mahigpit na ipinagbabawal ang pagsasagawa ng inspection ng mga gusali pribado man o pampubliko sa lungsod.
Ayon kay Versoza ang naturang hakbang ay upang maiwasan na magamit ang pagsasagawa ng mga inspection para makapamasko ang kanilang mga tauhan ngayong nalalapit na kapasukuhan batay na rin sa direktiba ni QC Mayor Herbert Bautista.
Sinabi ni Versoza na hindi naman ipagbabawal ang pagsasagawa ng “safety inspection” sa mga gusali upang matiyak na ligtas ito sa ano mang uri ng sakuna.
Sinabi pa nito na kabilang sa ipinagbabawal ang pagsasagawa ng electrical, structural at mechanical inspection sa lungsod.
Ayon pa sa naturang opisyal, tatagal ang pagbabawal sa Disyembre 15, 2013 hanggang sa unang linggo ng Enero 2014.
Idinagdag pa ni Versoza na bago ang pagbabawal ay nakapagsagawa na sila ng inspection sa may 2,000 gusali sa pribado at pampublikong gusali sa lungsod nitong nakalipas na mga buwan para matiyak ang kaligtasan ng mga ito.
The post Building officials sa QC ‘bawal’ mamasko appeared first on Remate.