MASUSUBUKAN ngayong araw ang husay at galing ng Filipina boxers na lalaban sa semifinal round ng women’s boxing competition sa 27th edition ng Southeast Asian Games (SEAG) sa Myanmar.
Makikipagsuntukan sina flyweight Maricris Igam, Nesthy Petecio at bantamweight Irish Magno sa lady boxers mula sa Thailand at Laos.
Aakyat naman bukas sa boxing ring ang anim na Pinoy boxers sa pangunguna ni London Olympian Mark Anthony Barriga.
Lahat ng local boxers ay susuntok sa medal round game.
Lalaban din sina flyweight Rey Saludar, Mario Fernandez, lightweight Junel Cantancio, light welterweight Dennis Galvan at welterweight Wilfredo Lopez.
Samantala, nakatutok din ang buong bansa sa paglangoy ni Olympian Jasmine Alkhaldi ngayong umaga sa 100 meters freestyle women’s event.
Tanging si Alkhaldi ang female swimmer ng national team at umaasang magiging maganda ang kakalabasan ng laban.
The post Filipina boxers sasabak sa semifinal round sa SEAG appeared first on Remate.