ISA ang patay habang lima ang sugatan matapos mag-amok ang isang peanut vendor sa Novaliches, Quezon City kaninang madaling-araw, Disyembre 8, 2013.
Kinilala ang nasawi na si Virgilio Himagan, 25, ng 13 Don Julio Gregorio St. Brgy. Bagbag, Novaliches, QC namatay noon din dahil sa mga tama ng saksak sa katawan.
Sugatan naman sina Romeo Aclao, 22,; Victorio Quiaon, 19; Richard Rapasa, 25; Raymund Villanueva, 20 at isang John Anthony Labastida, 3-anyos pawang ng 13 Don Julio Gregorio St., Brgy. Bagbag, Novaliches.
Tumakas naman ang suspek na nakilala lamang sa pangalang Romeo, isang peanut vendor.
Nabatid na naganap ang insidente sa No. 13 Don Julio Gregorio St., Brgy. Bagbag, alas-5 ng madaling-araw.
Sinabi sa ulat na mahimbing na natutulog ang biktimang si Virgilio Himagan nang pagsasaksakin ng suspek sa loob ng kanilang bahay.
Nagising naman ang ilang kalapit kuwarto ng biktima kay nadamay rin sa pananaksak ng salarin maging ang 3-taong gulang na lalaki.
Matapos ang pananaksak ay tumakas ang suspek dala ang patalim na ginamit sa pananaksak.
Inaalam pa ng mga awtoridad ang motibo sa krimen.
The post Vendor nag-amok, 1 patay, 5 sugatan appeared first on Remate.