PATAY ang isang photographer na nakadestino sa Luneta Park sa Maynila matapos pagbabarilin ng di nakilalang suspek sa Baseco Compound kagabi.
Kinilala ang biktima na si Alberto Dizon, 50, ng 882 TM Kalaw, Ermita, Manila.
Nabatid na alas-7:30 kagabi nang maganap ang insidente sa Gasangan, Baseco Compound, Port Area, Manila.
Ilang residente umano sa lugar ang nakarinig ng magkakasunod na putok at nang kanilang busisiin ay nakitang nakabulagta na ang biktima.
Sa pagsusuri ng pulisya, apat na tama ng bala ng kalibre 45 ang ikinamatay ng biktima.
The post Photog ng Luneta Park niratrat, todas appeared first on Remate.