HINDI na umabot nang buhay sa pagamutan ang isang jail guard matapos masagi ng kotse ang minamaneho niyang motorsiklo sa Brgy. Cabugao Sur, Sta. Barbara, Iloilo.
Ang biktima ay kinilalang si JO2 Daniel Dignadice, nakatalaga sa Silay City BJMP sa Negros Occidental.
Ayon kay PO1 Ian Sumagaysay ng Santa Barbara PNP, sakay ang biktima sa motorsiklo nang masagi ng nakasalubong na SUV.
Tumilapon ang biktima ng tinatayang tatlong metro ang layo mula sa kanyang motorsiklo at natanggal ang suot na helmet.
Dahil nagka-internal hemorrhage ang biktima at sugat sa balikat, idineklara itong dead on arrival sa Western Visayas Sanitarium.
Wala pang identity ang mga pulis sa driver ng sasakyan na nakasagi sa biktima pati na ang plate number nito.
The post Jail guard tepok nang masagi ng kotse appeared first on Remate.