NALAGAS sa isang engkuwentro ang tatlong armadong kalalakihan nang makipagbarilan sa pulisya kaninang madaling-araw, Nobyembre 16 sa Quezon City.
Dead on the spot sanhi ng tama ng bala sa iba’t ibang parte ng katawan ang tatlong hindi nakikilalang suspek.
Sa ulat ng QCPD-Criminal Investigation and Detection Unit (CIDU), naganap ang insidente ala-1:15 ng madaling-araw sa Katipunan Avenue, Barangay Old Balara, Q.C.
Bago ito, nagkakasa ng anti-criminal campaign ang mga tauhan ng CIDU sa lugar nang matiyempuhan ang tatlong suspek na kahina-hinalang kilos.
Tawag ng tungkulin, nilapitan ng operatiba ang tatlo para sitahin ngunit imbes magpaunlak ay pinaputukan sila.
Gumanti naman ng putok ang mga operatiba at napatimbuwang ang mga suspek na nakunan ng tig-iisang kalibre 38.
The post 3 armadong holdaper lagas sa QC encounter appeared first on Remate.