KINAMPIHAN ng isang kongresista ang Ombudsman sa hindi pagpapahintulot na humarap ang pork scam queen na si Janet Lim-Napoles sa imbestigasyon ng Senado.
Naniniwala si CIBAC Partylist Rep. Sherwin Tugna na tama ang desisyon ng Office of the Ombudsman na huwag nang paharapin si Napoles sa imbestigasyon ng Senado sa P10-B pork barrel scam.
Bukod sa maiiwasan aniya ang trial by publicity ay posible ring malagay sa alanganin ang seguridad ng mga testigo sa sandaling magsalita si Napoles tungkol sa scam.
Sa ganitong paraan aniya, maiiwasan rin ang trial by publicity.
Ipinaliwanang ni Tugna na bagama’t may kapangyarihan ang Senate Blue Ribbon Committee na magsagawa ng imbestigasyon “in aid of legislation” ay magkaiba pa rin ang sitwasyon ngayong naihain na ang kaso sa Ombudsman.
Ani Tugna, sa dalawang magkasalungat na kapangyarihan ng Senate Blue Ribbon Committee at Ombudsman, dapat manaig aniya ang Ombudsman sa pagkakataong ito.
Sa inilabas na paliwanang ni Ombudsman Conchita Carpio Morales ay ipinagdiinan nito na hindi na makabubuti kung magbibigay pa ng kanyang testimonya si Napoles sa Senado.
Ang sulat ni Morales ay bilang tugon sa komentong hinihingi ni Senate President Franklin Drilon sa Ombudsman kaugnay sa kahilingan ni Senador Teofisto Guingona III na makapag-isyu ng subpoena ang Senado.
Ito ay upang humarap sa imbestigasyon ng komite si Napoles sa Setyembre 26, 2013.
Giit ni Morales na hindi makabubuting makapagbigay ng testimonya si Napoles dahil naninindigan ito na wala siyang nalalaman sa scam.
The post Pagtanggi ng Ombudsman na humarap si Napoles sa Senado oks sa solon appeared first on Remate.