TODAS ang isang delivery boy matapos mabundol ng kotse habang ang una ay sakay ng bisekleta sa Caloocan City, Linggo ng hapon, Setyembre 8.
Dead on the spot sanhi ng pinsala sa ulo at katawan si Marck Anthony Bashian, 22 ng Landasca, Maypajo ng lungsod.
Nadakip naman ang suspek na si Ronn Eduard Chavez, 28 ng Purificacion St., ng lungsod at driver ng Honda Civic VFC-883.
Sa ulat, alas-2 ng hapon kanina, sakay ng bisekleta ang biktima at binabagtas ang C-3 Road nang nahagip ng dalang kotse ng suspek.
Tumilapon ang biktima at una ang ulong bumagsak sa kalsada na naging dahilan ng agad na kamatayan habang nadakip naman ng mga pulis ang natulalang si Chavez.
The post Delivery boy todas sa bangga sa Caloocan appeared first on Remate.