ISANG kilabot na babaing tulak ng shabu ang nasakote ng mga elemento ng Philippine Drug Enforcement Agency (PDEA) matapos makumpiskahan ng P405,000 halaga ng shabu sa isinagawang buy-bust operation sa Legaspi City noong Agosto 27, 2013.
Kinilala ang nahuling suspek na si Jamilah Lidas, alyas JM/Bagsik, 27, ng B-25, l-1, Sultan Esmael, Dasmariñas City, Cavite.
Sa ulat, isinagawa ang operasyon noong hapon ng Agosto 27, 2013 ng mga operatiba ng PDEA Regional Office 5 (PDEA RO 5) sa loob ng isang kuwarto ng motel sa Rizal Street, Barangay 23, Imperial Court, Legaspi City na ikinaaresto ni Lidas.
Nakumpiska sa suspek ang isang malaking sachet ng shabu na tumitimbang ng humigit kumulang 75 gramo at nagkakahalaga ng P405,000 at marked money na ginamit sa buy-bust.
Hawak ngayon ng PDEA RO 5 ang suspek.
The post Bebot na tulak ng shabu arestado appeared first on Remate.