HINAMON ng Bureau of Immigration ang misis ng tatlong dayuhang detainee sa Bicutan jail na pangalanan ang BI personnel na nangikil sa kanila kapalit ng pagbasura ng kaso laban sa kanilang mister.
Ayon kay BI officer-in-charge Siegfred Mison, makakaasa ang mga nag-aakusa ng patas na imbestigasyon, gayunman hindi makakausad ang BI sa pagsisiyasat hanggat hindi naghahain ng formal complaint at pangalanan ang nasa likod ng pangingikil.
“We urge them to name names so we can investigate and punish those involved. We do not and will never tolerate these shenanigans in the bureau,” ani Mison.
Handa aniya ang BI na itago ang pagkakakilanlan ng mga nagrereklamo basta ilahad nito ang lahat ng nalalaman na detalye.
Sinabi ni Mison na hindi pa maaaring ideport ang detainees dahil nakabinbin pa sa korte ang kanilang kasong kriminal.
The post BI personnel na extortionist pangalanan appeared first on Remate.