Update: ANIM ang agad nalagas kabilang ang isang board member habang 37 naman ang sugatan, dalawa naman dito ang kritikal nang sumabog ang ikinasang improvised explosive device (IED) sa Cagayan de Oro City nitong Biyernes ng gabi (Hulyo 26).
Dead on the spot sanhi ng tinamong shrapnels sa katawan sina Anthony Cañete ng Iligan City, Ryan Estose ng Meganheights Subdivision, Gusa Cagayan de Oro City at Emmanuel Palafox ng Zamboanga City. Ang tatlo ay pawang empleyado ng pharmaceutical Sandoz Philippine Corporation.
Hindi na umabot ng buhay sa Cagayan de Oro City Hospital sanhi ng tinamong shrapnels sa iba’t ibang parte ng katawan ang biktimang si Misamis Oriental Board member Roldan Lagbas.
Dalawa pang biktima na hindi rin umabot ng buhay sa iba namang pagamutan ay kinilalang sina Dr. Erwin Manalay at si Antonio C. Paredes na kapwa pharmaceutical representatives.
Kulang-kulang naman sa 28 katao, dalawa sa kanila ang kritikal ang isinugod sa ilang ospital sanhi ng tinamong kapansanan sa iba’t ibang bahagi ng katawan.
Naganap ang insidente dakong 11:10 nitong Biyernes ng gabi sa tapat ng Kyla’s Bistro restaurant sa parking area ng Lim Ket Kai mall complex na nasa Rosario Arcade.
Ayon kay Cagayan de Oro City Police Director Graciano Mijares, bago ang insidente ay nagsasagawa ang mga opisyal at miyembro ng Philippine College of Chest Physicians (PCCP) ng kanilang 16th Midyear National Convention sa Grand Caprice sa nasabing complex mall.
Pero dahil napuno ng mga tao ang Kyla’s Bistro at Candy resto bar na karamihan ay mga doctor, umabot ang yugyugan na may live band sa parking space ng nasabing complex.
Sa kasagsagan ng sayawan at inuman, biglang sumabog ang isang bomba na pinaniniwalaan na gawa sa Mortar round na inilagay sa isang bag packed ng isang nagpanggap na bisita bago iniwan sa gitna ng kasiyahan.
Sa lakas na pagsabog , nabasag ang mga salamin ng mga resraurants, bumaligtad ang mga mesa at upuan, at nasira rin ang ilan sa mga sasakyan ng mga bisita at narinig ang pagsabog ng may 4 kilometro ang layo,
Sinabi ni PNP regional director PC Superintendent Catalino Bagaslao Rodriguez Jr. na iniutos na niya ang pagtatag ng special investigation task group para tutukan ang nasabing pagsabog.
The post Bomba sumabog sa ‘street party’ sa CDO mall; 6 lagas, 37 sugatan appeared first on Remate.