MATAPOS makalabas ng bansa ang bagyong “Isang,” isa pang sama ng panahon ang mahigpit na binabantayan ng PAGASA.
Ayon kay Ricky Fabregas forecaster ng Philippine Atmospheric, Geophysical and Astronomical Services Administration (Pagasa), namataan ang low pressure area (LPA) sa layong 700 kilometro ng Katimugang Luzon.
Sinabi ni Fabregas na may posibilidad na maging bagyo ang namataang sama ng panahon.
Bagamat malayo pa sa Philippine area ang naturang sama ng panahon ay magdadala naman ito ng kalat-kalat na pag-ulan sa ilang bahagi ng Luzon, Katimugang Luzon maging sa Metro Manila.
Nabatid pa sa Pagasa na nakalabas ng bansa ang bagyog Isang kaninang 1:00 ng madaling-araw at tinatahak ang direksyon ng China.
The post Bagong sama ng panahon namataan appeared first on Remate.