PATAY ang isang Indian national matapos barilin ng riding in-tandem habang sakay ng kanyang motorsiklo sa Quezon City kahapon, Hulyo 9, 2013 (Martes).
Kinilala ang biktima na si Jagrup Singh, idineklarang dead on arrival sa FEU hospital.
Ayon sa ulat ng Quezon City Police District Station-6 Batasan, naganap ang insidente 4:30 ng hapon kahapon sa isang gasolinahan sa Payatas Road, Brgy. Payatas, QC.
Sinabi ni PO2 Darwin Ferre na sakay ng kanyang motorsiklo ang biktima nang sundan ng dalawang magkaangkas na riding in-tandem at isa sa mga suspek ay bumaba ng motorsiklo saka bumunot ng baril at binaril ang biktima.
Tinangka pang isugod ang biktima sa naturang ospital subalit hindi na umabot nang
buhay sanhi ng tama ng bala ng baril sa kanyang katawan.
The post Indian patay sa pamamaril ng riding in-tandem appeared first on Remate.