TODAS ang isang lalaki habang sugatan ang dalawa makaraang magbanggaan ang dalawang motorsiklo sa Nabua, Camarines Sur.
Kinilala ang biktimang si Jaypee Pristado, 27, ng Barangay Nierba sa nasabing bayan.
Nabatid na binabaybay ng biktima ang Nabua Balatan Road at pabalik sana nang makasalubong ang isa pang motorsiklo na minamaneho ni Rogelio Monedero, Jr., kasama si William Bellega, at magkasalpukan ang dalawang sasakyan.
Mismong sa tapat ng Tandaay Church sa Barangay Tandaay parehong tumilapon ang mga sakay ng motorsiklo na nagtamo ng mga sugat.
Isinugod ang mga biktima sa pagamutan ngunit idineklarang dead on arrival si Pristado.
Patuloy namang ginagamot sina Monedero at Bellega.
The post 2 motorsiklo nagbanggaan: 1 patay, 2 sugatan appeared first on Remate.