NATAGPUANG patay ang isang 12-talampakang pating sa Brgy. Gerona Gimeno sa Guimbal, Iloilo.
Nabatid na manghuhuli sana ng alimasag si Percival Pandaguan kasama ang anak at bayaw nang malambat nila ang pating.
Natagpuang may sugat ang ilang bahagi ng katawan ng pating na nangangamoy na.
Kinumpirma ng fisheries technician ng Municipal Agriculture Office na isang tiger shark ang napadpad sa mababang parte ng dagat na Sakun ang karaniwang tawag ng mga lokal na residente rito.
May bigat itong 300 kilos. Ang ganitong uri ng pating ay maaari pang lumaki hanggang 18 talampakan.
The post 12-ft. na pating natagpuang patay sa Iloilo appeared first on Remate.