UMAKYAT na sa 16 pasahero kabilang ang driver ang nasugatan makaraang bumangga ang passenger van sa puno ng balete sa Barangay Ubit, Lamitan City, Basilan.
Nabatid na nawalan ng preno ang sasakyan makaraang umiwas sa isang aso na tumatawid sa kalsada dahilan upang bumangga ito sa malaking punongkahoy.
Nakilala ang driver ng van na sa pangalang Sakirin na kasalukuyang nakaratay sa Dr. Torres Memorial Hospital.
Lumabas sa imbestigasyon ng pulisya na mahigit dalawang taon nang expired ang registration ng naturang sasakyan at wala ring lisensiya ang driver.
Kasalukuyang inimbestigahan pa rin ng pulisya ang naturang pangyayari.
The post Van sumalpok sa Balete: 16 na ang sugatan appeared first on Remate.