NATAGPUANG patay ang isang tatlong buwang buntis habang iniulat na nawawala ang isang taong gulang na anak nito sa San Francisco, Quezon Province.
Nakilala ang biktima na si Jessa Malupa Velasco, 19, ng Sitio Lacdayam, Barangay Cawayan 1, naturang bayan.
Nabatid na iniwan lamang ng kanyang live-in partner na si Rex Penis Casano ang biktima kasama ang anak nito na si Rexon Casano sa kanilang bahay ngunit nang bumalik ay hindi na nito Makita pa ang dalawa kung kaya hinanap niya ang mga biktima.
Natagpuan niya si Velasco na nakahandusay sa madamong parte ng naturang lugar, 50 metro ang layo sa kanilang bahay.
Nagtamo ang biktima ng maraming pinsala sa mukha na pinaniniwalaang pinagpupupukpok ng matigas na bagay.
Nagsasagawa na ng imbestigasyon ang awtoridad sa nasabing krimen at patuloy na inaalam kung sino ang may sala.
The post Buntis tinodas, anak nawawala sa Quezon appeared first on Remate.