TATLO katao ang nasugatan makaraang mahulog ang kanilang sinasakyang elf truck sa Kennon Road, Benguet kaninang ala-1:00 ng hapon.
Nabatid na galing sa Baguio City ang elf truck (UKV 327) nang maganap ang aksidente kung saan ayon sa pulisya, hindi matantiya ng drayber ang pakurbadang daan sa Camp 5 kaya ito nahulog sa bangin na may lalim na 20 metro.
Nakilala ang mga bitkima na sina Arnold Calapan, 20, ng Baguio City; Jeffrey Hernando, 20, ng Tagudin, Ilocos Sur habang hindi pa nakikilala ang isa na pawang mga isinugod sa Baguio General Hospital.
Iniimbestigahan pa ng mga awtoridad ang naturang insidente.