NAKUWELYUHAN ng pulisya ang dalawang lalaking pumatay sa isang anak na sumaklolo sa kanyang lola na hinoholdap ng magkasabwat na kawatan sa Quezon City nitong nakaraang Lunes ng gabi.
Hindi na nakapalag pa at sumuko agad nitong Huwebes ng gabi sa mga miyembro ng Quezon City Police District (QCPD) ang suspek na sina Bienvenido Soriano at ang stepson nitong si John Paul Retone, 18-anyos kapwa residente ng NIA Road Barangay Pinahan. Q.C.
Sina Soriano at Retone ang inginunguso sa pulisya ng isang hindi pinangalanang barker na nakasaksi sa insidente.
Ayon dito, nakita niyang pinitas ng mga suspect ang gintong kuwintas ng lola ng biktimang si Nocky Briguez, 30-anyos sa taas ng footbridge na nasa kanto ng Quezon at Efipanio delos Santos Avenues noong Mayo 6 ng gabi.
Pero sinaklolohan ng biktima ang kanyang lola na si Paz, 68 anyos hanggang sa nakipagpambuno ito sa mga suspect at mahulog ang maglola sa ibaba ng nasabing footbridge.
Nakumpiskahan ang dalawa ng improvised paltik at kutsilyo. Kinasuhan na ang dalawa sa korte.