PATAY ang isang lalaki matapos mahagip at magulungan ng trailer truck habang ang una ay papatawid ng kalsada sa Caloocan City kahapon, Mayo 16.
Dead on the spot sanhi ng pinsala sa ulo at katawan si Ferdinand Dilao, 45, ng Hipon St., nasabing lungsod.
Sumuko naman sa mga pulis si Pedro Maigue, 38 ng Camarines Norte.
Sa ulat, alas-3:10 ng hapon, papatawid ang biktima sa kanto ng Dagat-dagatan at C-3 road nang masagi ng trailer na hila ng tractor head (WPD-300) na dala ng suspek.
Natumba ang biktima at nagulungan pa ng trailer na naging dahilan ng agad na kamatayan.