INAALAM na ng mga pulis kung ano ang ikinamatay ng Tsinoy na ulyanin sa kanto malapit sa kanilang bahay sa Caloocan City kahapon, Mayo 16.
Kinilala ang biktima na si Harry Chan, 67 ng Nadurata St., West, nasabing lungsod.
Sa ulat, alas-4 ng hapon nang makitang patay ang biktima sa construction worker na si Rommel Combate sa kanto ng Nadurata at 9th Avenue.
Agad namang nakarating sa pamilya ng biktima ang pangyayari kung saan nawala umano sa kanilang bahay si Chan noong nakalipas na Mayo 13, 2013.
Ulyanin na umano ang biktima at nang makalabas ng bahay ay hindi na nakauwi hanggang sa abutin ng kamatayan sa nasabing lugar.