MAAGANG papasok ang panahon ng tagulan sa Pilipinas.
Ito ang pahayag ng Philippine Atmospheric Geophysical Astronomical Service Authority (PAGASA) kasunod ng biglang pag-iral ng southwest monsoon o hanging habagat na mula sa kanlurang bahagi ng bansa.
Sinabi ni forecaster Aldczar Aurelio, posibleng sa susunod na linggo ay mas madalas na ang maitalang mga pag-ulan o rainy season kaysa sa pagsikat ng Araw.
Kabilang sa mga apektado ng ulan ay ang hilagang Luzon, Palawan at Western Mindanao.
Gayunman, maaari pa ring makapagtala ng mainit na panahon sa ilang bahagi ng Luzon at Visayas hanggang sa darating na linggo.