TUMAAS ang kabuuang bilang ng mga Pilipinong walang trabaho noong 2016.

Batay sa pinakahuling survey ng Social Weather Stations (SWS), naitala ang 22.3 percent na unemployment rate noong nakaraang taon.

Mas mataas ito kumpara sa 21.9 percent na jobless rate noong 2015.

Ayon sa survey, dulot ito ng malaking pagtaas ng bilang ng walang trabaho sa huling quarter ng 2016 na nasa 25.1 percent o katumbas ng 11.2-milyong Pilipino.

Lumalabas na 12.2 percent o katumbas ng mahigit 5-milyong mga Pilipino ang nag-resign sa kanilang trabaho habang 8.7 percent o halos 4-milyong Pilipino ang nawalan naman ng trabaho.

Aabot naman sa 1.9 percent sa naturang jobless rate o katumbas ng halos 2-milyong Pilipino ang mga first time job seekers. JOHNNY ARASGA

NAKAHANDA na ang Department of Labor and Employment (DOLE) na bigyan ng trabaho ang libu-ibong manggagawa na napipintong mawalan ng hanapbuhay dahil sa napipintong pagpapasara sa 23 mining companies.

Ayon kay Labor Sec. Silvestre Bello III, pinulong na niya ang mga regional officials ng kagawaran para maglatag ng action plan.

Nagpadala na aniya ang DOLE ng technical staff sa 14 na kumpanya ng minahan upang magsagawa ng pag-aaral.

Inaasahang magsusumite ang mga apektadong kumpanya ng kanilang transition/action plan at proposal sa DOLE provincial office.

Ayon kay DOLE CARAGA Regional Director Evelyn Ramos, mahalaga ang transition plan upang maalalayan ang mga manggagawang mawawalan ng trabaho.

Nauna nang sinabi ni DENR Sec. Gina Lopez na ipapalit ang green tourism project ng gobyerno sa mga isasarang minahan. MACS BORJA

SINUPALPAL ng Malakanyang si Vice President Leni Robredo nang sabihin ng huli na political harassment ang ginawang pag-aresto kay Sen. Leila de Lima.

Ayon kay Presidential spokesperson Ernesto Abella, kasong kriminal ang kinahaharap ni De Lima at hindi pulitikal.

Bukod dito, may probable cause para arestuhin ang senadora.

Kaya mabuti aniyang maging objective ang pagtingin ng mga tao na katulad ni VP Leni sa pag-aresto kay Senadora De Lima.

“I think people are just listening to an echo chamber where they’re listening to themselves ‘no. No. I think they should face the fact and realize that Ms. De Lima is being brought to court for criminal reasons and not for political reasons,” ani Usec. Abella.

Tanggap ng Malakanyang na marami ang sumama ang loob sa pag-aresto kay Sen. De Lima lalo na ang mga supporters nito. Subalit, tiniyak naman ng pamahalaan na patas ang pagtrato ng gobyerno sa senadora.

“Pero po as you can very well see, the way it’s all played out, is everything was played also in the open in media, wala naman pong naitago and you know, for all intents and purposes, everything was objective. And there was… everything was done objectively and with fair play,” anito.

Wala namang balak ang Malakanyang na busalan si Senador De Lima sa pagtuligsa nito sa Duterte administration lalo pa’t nakakulong na ito.

Ani Usec. Abella, malaya ang lahat na ihayag ang kanilang saloobin sa pamahalaan subalit tiyakin lamang na hindi sila ang magiging dahilan upang maputol ang peace and order sa bansa.

Binuweltahan naman ng Malakanyang ang naging pahayag ni VP Leni na dapat ay ituon ni Pangulong Duterte ang kanyang atensyon sa giyera laban sa kahirapan.

Sinabi ni Usec. Abella na tila hindi nakikinig si VP Leni sa mga pinag-uusapan sa cabinet meeting.

“Ms. Robredo was part of the Cabinet from Day 1, almost from Day 1. Pero ma’am, nakita naman niya, unless she was not listening. You know, the topics had to deal with the 10-point agenda… ‘Yun nga ang ano eh, ‘yung, the 10-point agenda. In fact, ano po, you know, what has happened so far: free irrigation to farmers; ‘yung certificate of land ownership, ‘yung CLOA to 111 Hacienda Luisita farmers; ‘yung free medicines to indigent patients, ‘yung relocation tsaka ‘yung relocation ng mga ‘Yolanda’-affected families na naresettle as of January 23,” lahad nito.

Hindi nga lang aniya napapansin ang ganitong usapin dahil natatabunan ng mas pinakakontrobersiyal na usapin ng mga kritiko ng gobyerno. KRIS JOSE

LUMANG TUGTUGIN.

Ganito kung ilarawan ng Malakanyang ang patuloy na pagbabanta ni Sen. Antonio Trillanes mahuhubaran ang tunay na Pangulong Rodrigo Roa Duterte sa pagpapatuloy na Lascañas probe sa Senado.

“Alam po ninyo, these are all rehashed things ‘no. Nadaanan na po natin ‘yan and let me just repeat, si Lascañas has discredited himself. You know, he has perjured himself. So I don’t know, you know, what he… what Mr. Trillanes is referring to pero well, it seems that he’s just, he’s being vocal for the sake of being vocal,” anito.

Matatandaang sinabi ni Trillanes na hindi siya titigil sa pagbubulgar at tiyak niyang malalantad daw ang totoong Duterte sa pagdinig ng Senado hinggil sa mga rebelasyon ni dating SPO3 Arturo Lascañas.

Si Trillanes ay una nang bumaliktad sa dati nitong testimonya at kinumpirma na ang Davao Death Squad na ginagamit umano ni Pangulong Duterte sa pagpapatumba ng mga kriminal o kalaban.

Nauna nang sinabi ni Pangulong Duterte na ang kanyang utos sa mga pulis at militar ay arestuhin ang mga kriminal pero kung manlaban at malagay sa panganib ang kanilang buhay ay saka nila ito papatayin. KRIS JOSE

Globe Business, the information and communications technology arm of Globe Telecom, recently received the Payment Card Industry Data Security Standard (PCI DSS) compliance certification version 3.2 which assures its enterprise clients of the company’s commitment to maintain confidentiality of all information that it stores, processes, and transmits.

PCI DSS was founded by top global credit card brands such as MasterCard, Visa, American Express, JCB International, and Discover Financial Services to reduce credit card fraud.  All companies which handle cardholder data need to be PCI DSS compliant as proof that their network is secure.  Compliance is validated annually by an external Qualified Security Assessor (QSA) such as the US-based Crimson Security, Inc. which conducted the assessment of Globe Business.

“We are happy to note that we were able to pass the stringent requirements to get this certificate.  It gives assurance to our customers that we did all we can to comply with the most stringent standards in protecting customer data. What is very clear in Globe is we take security very seriously. This shows the emphasis we have on security awareness among our customers and among our staff.  We take a lot of audits on our own to ensure that we are compliant internally before we do the external audit,” said Robert Tan, Globe Chief Technical Advisor.

Mike Frausing, Senior Advisor for Globe Business said: “The Data Privacy Act imposes very tough rules and severe penalties.  Thus, it is incumbent on us to actually educate both our clients and our employees on security awareness.  Fraud is increasing everyday so we must have the right processes in place to allow data to traverse into our network securely.  We need to keep up with industry best practices to do service to ourselves and to our customers.”

Critical computer systems of private and government entities are often targeted by professional hackers who exploit vulnerabilities in the system by sending malicious codes to disrupt operations, expose confidential information, and steal money, among others.  This can, therefore, result in substantial financial loss and damage to reputation.

Realizing the huge risks that security breach may entail, Globe Business continuously develops ways to prevent its clients from becoming victims of the rising number of cybersecurity threats especially those coming from abroad.

At present, Globe Business offers managed security solutions that allow enterprises to migrate security threats before they happen.  The solutions allow seamless communication between enterprises and their customers by keeping servers up and running with Distributed Denial of Service (DDos) protection, maintain efficiency of operations by stopping malicious traffic from reaching the network using managed firewall, and provide comprehensive protection against emerging and current threats at the network and application level before they inflict any damage through Intrusion Detection and Prevention (IDP).  For more information about Globe Business, please visit http://business.globe.com.ph/

SUMUKO na rin sa tanggapan ng  National  Bureau of Investigation (NBI) si dating Bureau of Corrections (BuCor)  Officer-in-Charge,  Atty. Rafael Ragos  na dawit din sa pamamayagpag ng iligal na droga sa  loob ng New Bilibid Prison (NBP).

Ang kusang pagsuko ni Ragos ay kaugnay ng warrant of arrest na inilabas ng korte laban sa  kanila  nina Senator Leila De Lima, Ronnie Dayan at iba pa.

Tiniyak  nina  NBI Deputy Directors Ferdinand Lavin at Atty. Sixto Burgos na nasa loob na si Ragos  ng bisinidad NBI main headquarters bagamat hindi umano nais na magpakita o magbigay ng pahayag sa media.

Ayon pa sa mga opisyal, si Ragos ay sumuko at nakipagkita sa kanila kasama ang kaniyang abugado sa isang lugar sa Quezon City bago dinala sa NBI headquarters.

Si Ragos ay isinailalim sa booking process sa  NBI,  kung saan siya kinunan ng mugshots at fingerprints.

Nakatakda naman siyang dalhin sa  Muntinlupa Regional Trial Court (RTC)  Judge Juanita Guerrero ng Branch 204 para sa return of the warrant of arrest  at isasabay na rin umano ni Ragos sa pamamagitan ng abugado ang pagsusumite ng mga pleadings at petisyon na sa NBI mai-detain.

Nilinaw pa ni Burgos na ang ilang araw na hindi pagsuko ni Ragos ay dahil naghanda pa umano ito ng mga papeles tulad ng pleadings na isusumite sa korte.

Ang korte ang magpapasiya kung saan dapat ikulong si Ragos.

Una nang isinilbi ang warrant of arrest kay De Lima noong Biyernes ng umaga at na-detain siya sa PNP Custodial Center sa Camp Crame habang si Ronnie Dayan na kapawa akusado ay nakapiit naman sa Muntinlupa City Jail. JOCELYN TABANGCURA-DOMENDEN

MAS MALALIM na imbestigasyon ang ikakasa ng House Committee on Dangerous Drugs ukol sa pagtakas ng may apat na Tsino na suspek sa pagpapatayo ng “mega shabu” laboratory sa Virac, Catanduanes noong nagdaang November.

Sinabi ni Surigao del Norte Rep. Robert Ace Barbers, chairman ng komite na hindi nito paliligtasin ang naging kapabayaan ng mga pulis, lokal na opisyal at hukom na maaaring naging sanhi ng pagkakatakas ng apat na suspek.

“We would dig further on the seeming negligence and possible lapses committed by law enforcement agencies and local government officials, among others, that may have allowed such a huge shabu lab in Virac to get constructed and to operate; and the mysterious escape of the suspects prior to the police raid,” ani Barbers.

Sa ginawang pagdinig ng komite noong February 23 sa Catanduanes State University auditorium ay sumentro ito sa kabiguan ng pulis na iulat ang ukol sa nasamsam na 20 kilo ng shabu na nagkakahalaga ng P100 milyon.

Pinuna rin ang mabagal na pag-iisyu ng search warrant ni Judge Contreras upang mapasok ng mga otoridad ang shabu laboratory sa Bgy. Palta, Virac noong November 26, 2016.

Kabilang sa mga dumalo sa pagdinig sa Virac sina Barbers, Negros Oriental Rep. Arnie Teves; Zamboanga del Norte Rep. Seth Frederick Jalosjos; Rep. Cesar Sarmiento ng Catanduanes; at Ako Bicol party-list Rep. Rodel Batocabe.

Lumabas sa pagdinig na ang hinihinalang shabu lab operators na si Jason Gonzales Uy at tatlo pa nitong Chinese chemists ay pinoproteksyunan ng mga otoridad sa Catanduanes.

“The mega shabu lab was constructed without appropriate barangay and town clearance or permits; was provided power by the local electric cooperative without clearance from the local Bureau of Fire office, and the police and local authorities failed to detect it for over a year,” sinabi pa ni Barbers.

Sa halip na i-report ang pagkakasamsam sa mat 20 kilo ng shabu ay 792 gramo ang nai-deklara.

Sa nabanggit na raid ay nadiskubre ang iba’t ibang chemical ingredients kabilang ang anim na yunit ng hydrogenator na gumagawa ng may 1.2 toneladang shabu sa isang linggo na nagkakahalaga ng ₱6 bilyon o ₱24 bilyong halaga ng shabu sa isang buwan.

“When we informed her that we have a photo of her (Judge Contreras) together with Gen. Buenafe at the shabu lab premises at about 2pm prior to her signing of the search warrant, she made an alibi, an excuse that she was outside and did not enter the shabu lab.”

Ginisa rin ng mga kongresista si Provincial Prosecutor Mary Jane Zantua na nag-utos sa mga pulis na pigilan ang mga mambabatas na pumasok sa labortoryo para sa ocular inspection. MELIZA MALUNTAG

BUKAS (Lunes) nakatakdang mag-usap ng sina House Speaker Pantaleon Alvarez at Binan Rep. Marlyn “Lenlen” Alonte-Naguiat.

Si Alonte-Naguiat ang sinasabing nag-alok diumano ng P100 milyon sa mga testigong preso upang baligtarin ang kanilang mga testimonya laban kay Senador de Lima.

“Ang balak ko po sana makapag-usap kami by Monday, dahil nga gusto ko pong linawin itong report na narinig natin. Na involved siya doon sa bribery. Medyo seryoso ito kaya kailangan malaman natin kung ano ang puno’t dulo nito,” ani Alvarez.

Sinabi pa ng speaker na nalungkot siya sa pagkakadawit ng isa sa kanilang mga kasamahan lalo pa’t nauugnay ito sa usapin ng iligal na droga.

Naunang ibinulgar ni Justice Secretary Vitaliano Aguirre na si Naguiat at dating Senador Jamby Madrigal diumano ang tumawag sa mga inmates upang alukin ng P100 milyon bawiin lamang ng mga testigo ang kanilang testimonya laban sa senadora.

Si de Lima ay nakabilanggo na sa PNP Custodial Center matapos ang kusang pagsuko kasunod ng pag-iisyu ng warrant of arrest noong Huwebes ng hapon. MELIZA MALUNTAG

BUMULAGTA sa loob ng bahay ang isang police intelligence officer nang ratratin ng riding-in-tandem sa Cotobato town kaninang Lunes ng umaga.

Sinabi ni M’lang Disaster Risk and Management Officer Constantino Diazon, nakilala ang biktimang si PO3 Lovel Tan, nakatalaga sa intelligence unit ng M’lang Police Station. Namatay noon din ito sanhi ng tama ng bala ng kalibre .45 sa iba’t ibang bahagi ng katawan.

Blangko pa ang pulisya kung sino ang mga salarin pero isa sa sinisilip na motibo sa krimen ay may kinalaman sa droga.

Sa ulat, naganap ang insidente dakong 8 a.m. sa loob ng boarding house na inuupahan ng biktima.

Ayon kay Diazon, nagkakape ang biktima nang biglang dumating sa kanyang boarding house ang mga suspek saka ito pinagbabaril.

Narekober sa lugar ang pitong basyo ng kalibre 45.

Nabatid na aktibo ang biktima sa kampanya ng kapulisan laban sa droga at nanguna sa pagsasagawa ng drug operations sa M’lang town at iba pang lugar sa Cotabato. BOBBY TICZON

CURRIMAO, ILOCOS NORTE – Dead-on-arrival ang isang lalaki matapos saksakin ng kinakasama ng kanyang anak sa loob ng kanilang bahay sa Brgy. Gaang sa bayan ng Currimao.

Kinilala ng Currimao police ang biktimang si Ireneo Racpan, 51, ng nasabing bayan.

Ayon sa pulisya, sa salaysay ng asawa ng biktima na si Neida, narinig niyang nagsasagutan sina Ireneo at ang suspek na nakilalang si Jomar Bagaoisan.

Aniya pa, normal na raw ang pagsasagutan ng dalawa sa tuwing makakainom ng alak ang mga ito.

“Naisip kong silipin asawa ko kasi nasa labas ako. Pumasok ako ayun ang daming dugo,” ani Nilda.

Ayon kay Bagaoisan, natutulog siya nang hinila-hila, pinagmumura at muntik nang saksakin ng biktima.

“Tumakbo ako, nahulog pa nga ako sa bakod at nadapa. Nang bumalik ako, dumiretso ako sa kusina. Kinuha ko ang kutsilyo at doon ko na siya sinaksak,” sambit ni Bagaoisan.

Nahuli si Bagaoisan sa isang follow-up operation.

Ayon kay Currimao police commander C/Insp. Ryan Retotar, nagawa ni Bagaoisan ang krimen dahil sa sobrang kalasingan.

Nakakulong ngayon ang salarin at humihingi ng kapatawaran pero desidido ang pamilya ng biktima na magsampa ng kasong murder. ALLAN BERGONIA

NAKARATING na kay Presidential Adviser on the Peace Process Jesus Dureza ang mga ulat ng pagpugot ng bandidong Abu Sayyaf Group sa 71-anyos na German na bihag nitong si Juergen Gustav Kantner sa Sulu.

Gayunman, patuloy pa rin nila aniyang sinisikap na kumpirmahin ang naturang impormasyon sa tulong ng mga impormante ng Armed Forces of the Philippines (AFP).

Ayon kay Dureza, isang tawag ang kanyang natanggap mula kay Col. Cirilito Sobejana, joint task force Sulu commander, na nagsasabing kanilang biniberipika ang naturang ulat.

Hangga’t hindi pa aniya tuluyang nakukumpirma ang impormasyon, mananatiling nasa ‘search and rescue posture’ ang militar hangga’t hindi napapalaya ang lahat ng bihag ng Abu Sayyaf Group.

Batay sa source, pinugutan na ng ulo ng grupo ng Abu Sayyaf sa pangunguna ni Muammar Askali alyas Abu Rami ang hostage na si Kantner matapos mabigo ang pamilya nitong ibigay ang ransom na P30-milyon.

Naganap umano ang pagpugot pasado alas-3:00 ng hapon sa Sitio Talibang, Brgy. Buanza, Indanan, Sulu. JOHNNY ARASGA

NAKIISA na rin sa pagsasagawa ng strike ngayong araw ang mga transport groups sa Visayas, para iprotesta ang pag-phase out ng mga public utility vehicles (PUV) na may edad 15-taon pataas.

Inaasahang maaapektuhan ng strike ang mga lalawigan ng Aklan, Capiz, Iloilo, Negros Occidental at ilang bahagi ng Cebu.

Ayon sa No To Public Utility Jeepney, Public Utility Bus, Asian Utility Vehicle Phaseout Coalition sa Panay, inaasahang dadalo sa strike ang mga drivers at operators ng mga jeep, bus, vans at maging ng mga tricycles.

Kasapi sa nasabing kowalisyon ang Iloilo City Loop Alliance of Jeepney Operators and Drivers Association, Confederation of Iloilo Provincial Jeepney Operators and Drivers Association, Hugpong Capiz, Federation of Aklan Integrated Public Transport, Inc. at Pinag-isang Samahan nga mga Tsuper at Opereytor Nationwide (Piston).

Tinatayang nasa 700 na miyembro naman ng Piston-Cebu ang inaasahang sasali sa strike, na magsisimula alas-4:00 ng umaga hanggang alas-3:00 ng hapon.

Bukod dito, magsasagawa rin sila ng rally sa harap ng opisina ng Land Transportation Franchising and Regulatory Board ang mga nasabing miyembro.

Ayon sa tagapagsalita ng Piston sa Panay na si Edgar Salarda, tutol sila sa nasabing phase out dahil mapipilitan ang mga operator na bumili ng electric at Euro 4 engine na mga dyip sa ilalim ng pamamahala ng isang private fleet company.

Maaapektuhan aniya ng implementasyon nito ang nasa 600,000 na pasahero ng mga jeep sa buong bansa, kabilang na ang 12,000 sa Western Visayas.

Katwiran pa ni Salarda, mawawalan ng kabuhayan ang nasa 50,000 drivers, operators at maliliit na negosyante sa Panay at Guimaras pa lamang.

Kakailanganin rin aniya ng mga public jeepney operators ng kapital na hindi bababa sa P7-milyon para lang makapag-operate ng 20 dyip.

Samantala, nagsabi naman ang dalawang major transport roups na Iloilo City Alliance of Drivers Association at Iloilo City Alliance of Jeepney Operators and Drivers Association, na hindi sila sasali sa strike.

Ilang paaralan na sa Iloilo City ang nagsuspinde ng klase, habang wala namang class suspension sa Cebu. JOHNNY ARASGA

TUMBA ang isang magsasaka na dating miyembro ng Philippine Army makaraang barilin sa San Pablo, Isabela.

Nakilala ang biktimang si Ireneo Duran, 50, may-asawa, ng Brgy. Binguang, San Pablo.

Sa imbestigasyon ng San Pablo Police Station, sakay ang biktima ng kanyang motorsiklo patungong Cabagan, Isabela, nang tambangad ito ng mga hindi pa kikilalang suspek gamit ang isang cal. 45 na baril.

Mabilis na tumakas ang mga suspek habang ang idineklarang dead-on-arrival sa Milagros District Hospital sa Cabagan, Isabela ang biktima.

Patuloy ang isinasagawang pagsisiyasat ng pulisya ukol sa krimen. -30-

PASOK sa rehas na bakal ang isang matandang binata matapos hatawin ng bakal sa ulo at kamay ang lolang kapitbahay nito Sabado ng madaling-araw sa Malabon City.

Ang suspek na nahaharap sa kaukulang kaso ay nakilalang si Michael Martin, 40, ng Rimas Rd., Brgy., Potrero ng lungsod.

Sa pahayag ng biktimang si Anita Bauzon, 69, biyuda, ng 93 Rimas Road, dakong 4:00 ng madaling-araw, umiinom siya ng kape sa harap ng tindahan malapit sa kanilang bahay nang lumapit ang lasing na suspek na may hawak na tubong bakal.

Nagulat na lamang ang biktima nang hatawin siya ng suspek sa likuran bahagi ng kanyang ulo at kamay kaya nahilo ito habang mabilis namang tumakbo si Martin sa kanilang bahay.

Humingi ng tulong ang biktima sa mga tauhan ng Police Community Precinct (PCP) 2 na agad namang tumalima at naaresto ang suspek habang nagpagamot naman sa Pagamutan Bayan ng Malabon ang biyuda. ROGER PANIZAL

MAHIGIT sa 200 residente ng Sitio Mahayahay sa Brgy. Alegre sa Bansalan, Davao del Sur ang lumikas dahil sa bakbakan sa pagitan ng mga sundalo at rebeldeng New People’s Army (NPA).

Sinalakay ng mga sundalo ng 39th Infantry Battalion ang Barangay Alegre matapos mapag-alaman na may kampo doon ang rebeldeng grupo, at doon na naganap ang bakbakan na inabot nang mahigit isang oras laban sa tinatayang 30 miyembro ng NPA.

Nagsagawa pa ng airstrike ang 102nd Brigade ng Philippine Army sa nasabing operasyon, at gumamit rin sila ng 150 Howitzer laban sa rebeldeng grupo.

Dahil dito, napilitan ang mga residente ng Sitio Mahayahay na lumisan sa kanilang mga tahanan bunsod ng takot na maipit sa gulo, at tumungo na lang muna sa Sitio Pluto ng Brgy. Managa.

Sa ngayon ay hindi pa pinapayagan ng lokal na pamahalaan ang mga lumikas na residente na makabalik sa kanilang mga tahanan dahil hindi pa tapos ang clearing operations ng mga sundalo. -30-

PASUQUIN, ILOCOS NORTE – Patay ang isang barangay kagawad matapos barilin ng hindi pa nakikilalang suspek habang kumakanta sa videoke bar sa Brgy. 5 Davila, Pasuquin sa lalawigan ng Ilocos Norte noong Sabado ng gabi.

Nakilala ang biktimang si Vicente Manzano, kagawad ng Brgy. 5 Davila ng nasabing bayan, na binaril nang malapitan habang kumakanta kasama ang kanyang kapatid na lalaki.

Ayon sa mga nakasaksi, hindi nila makilala ang suspek dahil nakasumbrero ito at maskara.

Ayon sa pulisya, bago ang pamamaril, nakatanggap si Manzano ng death threat na may masamang mangyayari sa kanya kapag hindi siya tumestigo sa pagkamatay ng isang barangay chairman.

Patuloy na nagsasagawa ng follow-up investigation ang Pasuquin police hinggil sa insidente. ALLAN BERGONIA

TINIYAK ni Pangulong Rodrigo Roa Duterte sa publiko na ligtas si Sen. Leila de Lima sa Philippine National Police (PNP) Custodial Center sa Kampo Krame.

Sa isang panayam, sinabi ng Chief Executive na interesado ang publiko na makita si Senador de Lima na maayos na nakakulong at pinagdurusahan ang kanyang mga nagawa.

“I’m sure she’s safe. She is one hundred percent safe there. I think people are interested not to see her dead but to see her in prison for what she did,” anito.

Noong nakaraang linggo, ipinag-utos ng Muntinlupa Regional Trial Court (RTC) ang pag-aresto sa senadora dahil sa diumano’y drug trading at pagtanggap ng pera mula sa mga kilala at maimpluwensiyang mga druglord sa New Bilibid Prison (NBP).

Kinuwestiyon ng kampo ni Sen. De Lima ang pag-aresto sa mambabatas dahil mayroong nakabinbin na motion-to-quash na inihain ng mga ito dahil sa kakulangan ng hurisdiksyon ng RTC.

Ayaw namang magkomento Duterte sa kaso ni De Lima sa katwirang “the court has taken jurisdiction. It is already the property of the court.”

Itinanggi rin nitong may basbas niya ang paghahain ng drug-related cases laban kay Sen. De Lima.

Binuweltahan naman ni Pangulong Duterte ang mga kaalyado ni De Lima na nagsabing isang uri ng political persecution ang nangyari sa senadora at babala aniya ito sa mga tumutuligsa sa Pangulo at sa mga polisiya nito.

“Unless you are involved in drugs, you should be. You are a critic of the drug campaign and you yourself are into drugs? Then you should be afraid. “I don’t know. Truth [be told], honestly, I’ve not called [Justice Secretary Vitaliano] Aguirre once. Iyan ang totohahan dyan. I don’t interfere with their jobs,” anito. KRIS JOSE