ARESTADO ang dalawang lalaki nang tangkaing tangayin ang manhole sa Sta.Cruz, Manila kahapon.
Kinilala ang mga suspek na sina Alfredo Ruiz, 50, ng 117 Riverside Almeda St., Tondo, Manila at Martin Ernesto, 46, ng Villaruel St., Tondo, Manila.
Ayon kay PO3 Eliseo Tolentino, naka-assign sa Alvarez PCP, naganap ang insdente dakong 1:30 ng hapon sa kahabaan ng Rizal Avenue cor. Herrera St., Sta. Cruz, Manila.
Naaresto ang dalawa nang tangkaing nakawin ang manhole sa nasabing lugar.
Kasalukuyang nasa kustodiya na ng Manila Police District ang mga salarin.