PATAY ang 13-anyos na bata matapos malunod habang naliligo sa dagat-dagatan, Hawaii Drive, Barangay Talon-Talon, Zamboanga City.
Kinilala ang biktima na si Louie Jay Rojas.
Nabatid na katatapos lamang kumuha ng mga kangkong ng biktima na ibebenta sana sa palengke nang magpasyang maligo sa dagat-dagatan pero makalipas ang ilang minuto ay hindi na ito nakita.
Inaalam naman ng pulisya kung totoo ang hinala ng pamilya nito na natuklaw ng ahas ang biktima dahil marunong naman itong lumangoy.