KRITIKAL ang isang binata matapos saksakin ng hindi pa nakikilalang suspek habang naglalakad kaninang madaling araw sa Brgy. Concepcion, Malabon City.
Nakaratay at inoobserbahan sa Tondo Medical Center si Rogelio Javelo y Dinoso, 28, jobless, ng 59 Dulong Jacinto ng barangay sanhi ng dalawang tama ng malalim na saksak sa likuran.
Mabilis namang tumakas ang di pa nakikilalang suspek bitbit ang ginamit na patalim.
Ayon sa ulat, dakong alas 2:00 kaninang madaling araw ng maganap ang insidente sa kalye Escalante Concepcion.
Nabatid, naglalakad pauwi ang biktima at pagsapait sa isang madilim na bahaging lugar palihim na sinundan at ng abutan ng suspek ay walang sabi-sabi na tinarakan agad sa likuran.
Mabilis na tumakas ang suspek habang ang biktima ay dinala naman sa nasabing pagamutan.
Nagsasagawa ng imbestigasyon ang mga awtoridad at inaalam ang motibo sa nasabing insidente.