IPINAG-UTOS ng Commission on Elections (Comelec) na imbestigahan ang umano’y pagkasira ng precint count optical scan (PCOS) machine dahil sa rotating brownout sa Digos City.
Nais malaman ni Comelec Chairman Sixto Brillantes, Jr. kung may nangyaring kapabayaan dahil duda siyang nasira ang makina dahil lamang sa pagkawala ng supply ng kuryente sa lugar.
Ayon kay Brillantes, may kakayahan ang mga PCOS machine na gumana ng ilang oras kahit walang kuryente dahil may mga battery ito.
Sakali naman aniyang mapatunayan na sa makina ang problema, tiniyak ng poll chief na mananagot ang supplier nito.