PATAY ang dalawang lalaki nang maatrasan ng naka-park na delivery van sa Quezon Avenue, cor Sct. Borromeo, sa Quezon City ngayon lamang.
Sa inisyal na imbestigasyon, inihinto ng driver ng van ang kanyang sasakyan sa harap ng isang fastfood chain sa nasabing lugar para mag-deliver ng gatas.
Habang binubuksan ng hindi pa nakilalang driver ang likuran ng kanyang sasakyan nang lapitan naman siya ng naka-wheelchair na lalaki para humingi ng kalakal.
Ilang sandali pa ay bigla na lamang umatras ang sasakyan dahilan para magulungan ang dalawa at agad na bawian ng buhay.
Inaalam pa ang pagkakilanlan ng dalawa.