ISA ang namatay at 16 ang sugatan makaraang magsalpukan ang isang jeep at tricycle sa Sariaya, Quezon.
Nabatid na nawalan ng preno ang jeep na minamaneho ni Roberto Melchor kung kaya naghanap na lamang ito ng lugar kung saan pwedeng ibangga ang sasakyan upang huminto.
Ngunit bago pa ito maibangga sa kung saan ay nakasalubong na nito ang isang tricycle na minamaneho naman ni Rowel Macaraig.
Dahil sa lakas ng salpok, halos mawasak ang buong tricycle habang ang dyip ay dumiretso at sumalpok sa isang bahay na pag-aari ng isang Elegio Montealto.
Dead on arrival sa ospital ang driver ng tricycle na si Macaraig habang isinugod sa ospital ang 16 na lulan ng jeep dahil sa mga natamong iba’t ibang pinsala sa katawan.
Nabatid na galing sa bakasyon ang mga sakay ng jeep at pauwi na sana nang maganap ang insidente.
Nakatakadang sampahan ng kasong reckless imprudence resulting to homicide and damage to properties ang driver ng jeep.