AGAD namatay ang tatlong sakay ng 6-wheeler truck habang malubha namang nasugatan ang driver nito nang aksidenteng bumangga sa isang malaking bato at bumaligtad sa may highway ng Brgy. Camanga, Dumalinao, Zamboanga del Sur.
Nakilala ang biktima na sina Roter Saligan, Dennis Dayag, Katherine Misa Cawasan, pawang ng Zamboanga City.
Habang kasalukuyang nakaratay sa isang ospital sa Pagadian City ang sugatang driver ng truck na si Federico Itang Silvano ng Barangay Santa Catalina, Zamboanga City.
Bandang alas-8:00 ng gabi nang maganap ang aksidente na pinaniniwalaan ng awtoridad na posibleng nawalan ito nang preno kaya bumangga sa isang malaking bato sa gilid ng kalsada hanggang bumaligtad ito.
Kumakarga ang naturang trak ng isda galing sa lungsod at papunta sana sa General Santos City para mag-deliver.
