DUROG ang ulo ng isang drayber nang sumalpok sa kasalubong na ten wheeler truck ang kanyang minamanehong traysikel sa Albay nitong Martes ng gabi (Marso 26).
Dead on the spot sanhi ng tinamong kapansan sa ulo at katawan ang biktimang si Dominador Espedido, ng Barangay St. Martin Subdivision, Balaguer, Daraga, Albay.
Nasa kustodiya na ng Daraga Municipal Police Station at sasampahan ng kaukulang kaso ang truck driver na si Ruben Grate.
Ayon sa pulisya, naganap ang insidente dakong 6:30 nitong Martes ng gabi sa isang bahagi ng Barangay Penafrancia sa Daraga.
Bago ito, lulan ang biktima sa kanyang traysikel nang biglang unahan nito ang isang pampasaherong bus na nasa kanyang harapan.
Ayon sa nakasaksi, dahil hindi pinagbigyan ng tsuper ng bus ay kinapos ang takbo ng traysikel ng biktima kaya sinuwag ito ng trak na minamaneho ni Grate.