NAIHIMLAY na si Kristel Tejada, ang freshman student ng University of the Philippines Manila na nagpatiwakal kamakailan lang makaraang mabigong makabayad sa matrikula.
Mula Immaculate Concepcion Parish Church sa Tondo ay inihatid si Kristel sa Manila North Cemetery sakay ng karwahe.
Bago tuluyang ihimlay, binasbasan muna ni Father Anton Pascual ng Caritas Manila ang labi ni Tejada. Nagbigay-pugay din kay Tejada ang mga kamag-aral, kaibigan at kaanak.
Kaugnay nito, una nang inihayag ng Caritas Manila na ang paglulunsad nila ng Kristel Educational Fund na may layuning makatulong sa mga mag-aaral ng kolehiyo.