SINAGOT na ni Kris Aquino, kasama ng kanyang mga kapatid ang pahayag ng kanyang ex-husband na si James Yap na biro lamang ang kanyang ginawa sa una noong Disyembre, nakaraang taon.
Matatandaan na isiniwalat ni Kris ang pananakit at tangkang pakikipagtalik sa kanya ni James sa harap ng kanilang anak na si Bimby, kasunod na rin ng paghiling ni Kris sa korte na maglabas ng Protection Order laban kay Yap.
Ani Kris, ang ginawa ni James ay hindi biro at ang kanilang anak ang nasasaktan at sila ang biktima.
Dahil din sa pangyayaring ito, ipinahayag ng aktres na tatalikuran na niya ang kanyang career sa showbiz.
“My ate reminds me na wala na akong contract and obligations. Pero may obligasyon ako sa aking anak bilang mama nila. At kailangan kong iparamdam sa anak ko na ginawa ng mama nila ang lahat para sa kanilang kabutihan.”