KAMATAYAN ang sinapit ng dalawang bagets habang isa pa ang nasa malubhang kalagayan matapos sumalpok ang sinasakyang motorsiklo sa kasalubong na pick-up sa Barangay Rosario, Santiago City, Isabela.
Lumalabas sa imbestigasyon ng pulisya na lasing ang nasawing si Roderick Abad, 18-anyos, taga-Mt. Province, habang minamaneho ang motorsiklo.
Binawian din ng buhay ang angkas nitong si Christine Carug, 15-anyos at taga-Santiago City samantalang patawirin ngayon sa ospital ang isang Clyde Bayabong, 16.
Sa report, mabilis ang patakbo ni Abad sa motor kaya nasalpok ang kasalubong na Mitsubishi Strada na dala naman ni Glenn Albino, residente ng Santiago City.