PATAY ang dalawang estudyante dahil sa fraternity war sa Bgy. San Nicolas, Lapaz, Iloilo City kaninang madaling-araw.
Tadtad ng saksak sa katawan sina John Ray Lapaza, 4th year Crimonology student, miyembro ng Psi Sigma Phi at Rainier Castillion, kaka-graduate lang sa Philippine Electronics Institute.
Nabatid na bago ang insidente, nag-iinuman ang mga biktima kasama ang ilang frat members sa isang restaurant nang hamunin ng away ng mga miyembro ng Megalith Nu Sigma Phi (Megans).
Subalit sa halip na kasahan ay nagpasyang umuwi na lamang ang grupo ng mga biktima.
Habang pauwi na ay nag-text ang frat member na si Lapaza sa kanyang kaibigan na si Castillion para magpasundo pero sinaksak na sila ng mga kalaban na nakasunod pala sa kanila. Gina Roluna