PISAK ang 25-anyos na ginang matapos masagasaan ng tractor head kaninang umaga sa Tondo, Maynila.
Kinilala ang biktima na si Honey Desuyo ng Happy Land ,Vitas ,Tondo, Maynila, lumabas pa ang utak at nalasog ang katawan dahil sa matinding pagkakasagasa.
Naaresto naman ang driver ng tractor na si Philip Juanchon, 34, ng Mabini St., Pinyahan, Quezon City.
Sa report, naganap ang insidente alas-10:45 ng umaga sa Capulong at Road 10 ,Vitas, Tondo, Maynila.
Papatawid ang biktima sa northbound lane nang mahagip tractor head na may hatak-hatak na trailer patungo sa Philippine Port Authority (PPA).
Nahaharap sa kasong reckless imprudence resulting to homicide ang drayber. Jocelyn Tabangcura-Domenden