PATAY ang dalawa katao, habang dalawa pa ang nasa malubhang kalagayan sa salpukan ng tricycle at van sa national road sa San Francisco Luna, Apayao.
Kinilala ang mga namatay na sina Reynaldo Caliso, 32, at Jenny C. Tamayo, 35.
Sa imbestigasyon, unang nabangga ng tricycle ang isang motorsiklo bago salpukin ang L-300 van na minamaneho ni Danilo Cebu, ng Barangay 141 Duhat, Bocaue, Bulacan.
Ang dalawang nasawi ay kapwa sakay ng tricycle, gayundin ang isang sugatan na si Erwin Tamayo, 47, driver.
Pasahero naman ng motorsiklo ang isa pang sugatan na si Harry Jones Agustin. Gina Roluna