SWAK sa kulungan ang isang manyakis na binatilyo matapos paulit-ulit umanong pagparausan ang murang katawan ng isang grade 5 pupil sa magkakaibang araw at oras sa Navotas City.
Halos hindi pa makalakad sa sakit ang biktimang itinago sa pangalang Juvy, 12, ng Brgy. San Roque nang magtungo ito sa himpilan ng pulisya upang ireklamo ang ginawang panggagahasa sa kanya.
Sa isinagawang operasyon ng otoridad, naaresto ang suspek na kinilalang si Renato Rabi Bosmeon, 17, ng Tabing Dagat, Brgy. Daanghari ng nasabing lungsod na nahaharap sa kasong rape in relation to 7610 habang nasa pangangalaga ng lokal na Social Welfare Deparment (SWD).
Sa isinagawang imbestigasyon ni SPO1 Belany Dizon, unang ginahasa ng suspek ang biktima noong June 22 dakong 10:00 ng gabi na muling naulit noong June 29 sa isang madilim na eskinita sa Judge Roldan St., Brgy. Tangos.
Nitong nakalipas na July 1 at 2, sa magkaparehong oras (7:00 ng umaga) ay muli na namang pinagpasasaan ng suspek ang murang katawan ng biktima sa Tulay 6, Fatima St., Brgy. Daanghari dahilan upang humingi na ng tulong sa mga awtoridad.
Dito na ginalugad ng mga awtoridad ang lugar ng suspek kung saan agad itong naaresto at sinampahan ng kaukulang kaso.
The post 12-anyos, parausan ng 17-anyos appeared first on Remate.