NATAGPUANG palutang-lutang sa bahagi ng Ilog Pasig sa may likod ng Manila Post Office ang isang bagong silang na beybi.
Akala ng isang Roly Esguerra, na kalakal ang laman ng shoe box na naka-plastic at palutang-lutang sa tabing ilog.
Ngunit laking gulat ni Esguerra nang buksan niya ang kahon ay tumambad ang bangkay ng sanggol na babae na may suot pang pink na hospital tag.
Iniimbestigahan na ang pangyayari at inaalam kung saang hospital galing ang beybi batay sa suot nitong tag.