KALABOSO ang isang 21-anyos na dalaga sa nakulimbat na tatlong sachet ng shabu mula sa bitbit nitong LBC package sa Aparri, Cagayan.
Sa nakarating na ulat, sa pamamagitan ng K9 unit ng Philippine Coast Guard (PCG) ay nakuha ang nasabing droga mula kay Paulalyn N. Magtalas, residente ng Barangay Macanaya, Aparri, Cagayan na siyang nag-claim sa package na naglalaman ng sapatos mula sa LBC padala center sa nasabing lalawigan.
Agad kinumpiska ang nasabing iligal na droga na nagkakahalaga ng P40,000.
Nauna rito, natunugan umano ng Police Aparri na naglalaman ng iligal na droga ang nasabing package kaya humingi ng assistance sa CGDNELZN K9.
Nang lapitan ito ng mga K9 dogs ay nagpositibo ito sa droga na nakasiksik sa sapatos na bitbit ng dalaga.
Nabatid na mula sa Maynila ay ibiniyahe ng LBC ang package papuntang Aparri.
Hawak na ng PNP-Aparri si Magtalas na nakatakdang sampahan ng kaso.
The post Bebot kalaboso sa shabu sa package appeared first on Remate.