SHOOT sa kulungan ang tatlong kalalakihan nang maaktuhan habang humihithit ng shabu sa isinagawang pagsalakay ng mga awtoridad, Martes ng hapon, June 24, sa Navotas City.
Kasong paglabag sa RA 9165 Dangerous Act ang mga suspek na sina Johnson Regado, 40, ng Kapalaran St., at Gilbert Perosa, 39, ng MRB St., kapwa ng Brgy. San Roque at Carlito Gozo, 40, ng Apahap St., Brgy. Daang Hari ng nasabing lungsod.
Batay sa ulat ni PO3 Virgilio Marinduque, dakong 6:45 ng hapon nang masakote ang mga suspek sa loob ng bahay ni Regado sa nasabing barangay.
Nauna dito, isang tip ang natanggap ng mga tauhan ng Station Anti-Illegal Drug (SAID) ng Navotas Police tungkol sa pot session na nagaganap sa nasabing bahay.
Agad na ikinasa ang operasyon at huling-huli sa akto ang tatlong suspek habang humhithit ng shabu.
Nakuha sa mga suspek ang limang sachet ng shabu at mga drug paraphernalia.
The post 3 kelot huli sa pot session appeared first on Remate.