NATUPOK ng apoy ang ilang kabahayan nang masunog ang isang residential-commercial area kaninang umaga sa Ongpin St. Sta. Cruz, Maynila.
Ayon sa ulat ng Manila Fire Bureau, nagsimula ang sunog sa ikalawang palapag ng isang residential area alas-9:31 ng umaga sa Ongpin cor. Maniosa Sts., Sta. Cruz, Maynila.
Sanhi nito, nadamay ang mga nakapaligid na commercial establishment sa lugar.
Umabot naman sa ika-apat na alarma ang sunog at idineklarang fire out alas-10:41 ng umaga.
Tinatayang mahigit sa P2 milyon ang halaga ng mga napinsalang ari-arian.
Sa inisyal na imbestigasyon ng Arson division, electrical faulty wiring ang hinihinalang sanhi ng sunog.
Wala namang naiulat na nasugatan o nasawi sa naganap na sunog.
The post Kabahayan sa Maynila, natupok appeared first on Remate.